Gunnar situr inni eftir misheppnaðan glæp og hyggur á hefndir.

Hannes er ungur og metnaðarfullur lögreglumaður sem dreymir stóra drauma.

Leiðir þeirra liggja saman í því sameiginlega markmiði að fletta ofan af hvíslaranum – svikara innan lögreglunnar sem er grunaður um að vara harðsvíraða glæpamenn við þegar lögreglan er á hælum þeirra.

Óttar Norðfjörð hefur sent frá sér skáldsögur og ljóð sem vakið hafa mikla athygli. Blóð hraustra manna er hörkuspennandi glæpasaga úr samtímanum og sjálfstætt framhald kvikmyndarinnar Borgríkis.

„Blóð hraustra manna er harðsoðin, hröð og hörkuspennandi bók sem óhætt er að mæla með.“
Guðríður Haraldsdóttir / Vikan

„Hér er keyrt á viðburðum, ofbeldi og litríkum karakterum í yfirstærð. Nokkuð hressandi ... Vel heppnuð sem það sem hún er.“
Þorgeir Tryggvason  / Kjarninn

„Blóð hraustra manna er í stuttu máli sagt ekki bók fyrir viðkvæma heldur hrottaleg, köld og hrá spennusaga um heim sem ég vona að sé ekki til þótt ég óttist að svo sé – og finnist gaman að lesa um hann.“
Helga Birgisdóttir /

„Kímnin leynir sér ekki ... persónusköpun góð og spennan töluverð“
Steinþór Guðbjartsson / Morgunblaðið

„Erfitt er að gefa upp nákvæmlega um hvað bókin er en þetta er spennusaga sem dregur mann inn frá fyrstu blaðsíðu og heldur manni alveg fram í blálokin. Hörkuflottur þriller hér á ferð.“
KÓS / Kvennablaðið