Árið mitt 2019 er sjálfsræktarbók í formi dagbókar, sem auðveldar þér að taka markviss skref á árinu til aukinnar sjálfsþekkingar,gleði og jafnvægis. Bókin er dálítið breytt frá því í fyrra og gefur þér að þessu sinni verkfæri og vettvang til að kynnast því hvernig frumkraftar náttúrunnar birtast í þér og þínu lífi.

Í hverjum ársfjórðungi er lögð áhersla á einn hinna fjögurra frumkrafta – loft, eld, vatn og jörð. Þar er að finna fróðleik og hugleiðingar um hvern þessara frumkrafta innra með þér og hugmyndir að því hvernig þú getur styrkt þessa þætti í eigin lífi. Dagbók fyrir hverja viku ársins með góðu skrifplássi gefur svo umgjörð fyrir eigin hugleiðingar og allt það sem þú vilt rækta í eigin lífi á árinu.

Einstök og falleg gjöf – handa þér og þeim sem þér þykir vænt um.