Almenn efnafræði III – Jafnvægi – er ætluð fyrir efnafræðiáfanga 303, eða sambærilegt nám í framhaldsskólum. Bókin er framhald af bókunum Almenn efnafræði – Efnin og umhverfið, og Almenn efnafræði II – Efnahvörf og orka, sem Mál og menning hefur gefið út.

Í þessari bók, eins og hinum fyrri, er kappkostað að tengja efnafræðina sem mest við fyrirbæri úr daglegu lífi, þó bókin beri þess glögg merki að fjallað er um atriði sem tilheyra lokaundirbúningi fyrir efnafræðinám á háskólastigi. Sérstök áhersla er lögð á jafnvægishugtakið, eins og undirtitillinn ber með sér.

Fjölmörg verkefni eru í bókinni, bæði inni í köflunum og aftan við þá. Svör við verkefnum eru síðan birt í bókarlok. Allmargar skýringarmyndir og gagnlegar töflur eru einnig í bókinni.