Finnsk-eistneska skáldkonan Sofi Oksanen er að gera allt vitlaust, að því er erlendir fjölmiðlar herma. Bók hennar Hreinsun æðir upp metsölulista heimshornanna á milli en þess má geta að íslensk útgáfa hennar er væntanleg í bókaverslanir með haustinu. Bókin kom út í Bretlandi í síðasta mánuði og er fyrsta upplag hennar á þrotum þar. Stórblaðið The Times birti heljarinnar viðtal við Oksanen á dögunum og fór þar vítt og breitt yfir feril hennar og velgegni bókarinnar.
Útgáfuréttur hennar hefur nú verið seldur um allar koppagrundir og mun bókin koma út á í að minnsta 30 tungumálum. Oksanen er væntanleg hingað til lands í nóvember til að taka við Bókmenntaverðlaunum Norðurlandaráðs fyrir hina áhrifamiklu Hreinsun.
