Í bók Davíðs Kristinssonar einkaþjálfara, 30 dagar: leið til betri lífsstíls, eru margar æðislegar uppskriftir. Ein þeirra er af gómsætu möndlumjölsbrauði sem er svo einfalt að það bakar sig næstum því sjálft.
Einfalt möndlumjölsbrauð
3 stór egg
2 bollar möndlumjöl frá Now
1 tsk sjávarsalt
1 tsk vínsteinslyftiduft
Hitið ofninn í 150 gráður. Þeytið eggin þar til komin er þykk froða. Blandið möndlumjölinu, saltinu og vínsteinslyftiduftinu saman í skál og hrærið rólega saman við eggin. Smyrjið brauðform ( 25×12 cm) með kókosolíu og setjið deigið í það. Bakið við 150 gráður í 30-40 mínútur. Látið brauðið kólna alveg áður en það er skorið.
Njótið vel.
