Í Android símum og spjaldtölvum er hægt að fá rafbókarlestrarapp með því að leita að e-book reading app eða þess háttar í Play Store.
Í iPhone símum og iPad þarf að sækja bókina í niðurhalsmöppu. Það er gert svona: Í vafranum í tækinu (líklega Safari) á að vera lítil ör efst sem vísar niður í hægra horninu. Ef þú smellir á þá ör þá á að birtast listi yfir niðurhöl og þar þarftu að smella á bókina. Þá ættirðu að geta opnað bókina í Books-forritinu.
Við mælum með að prófa annan vafra ef ekki gengur að opna rafbókina. Microsoft Edge hefur reynst vel t.d.
Einnig hefur reynst vel að opna hlekkinn í nýjum glugga og endurhlaða (e. refresh) síðuna.
Ef þú sóttir rafbókina áður en þú náðir þér í rafbókarforrit, er hægt að velja “Add to library”, undir File í rafbókarforritinu og velja skrána úr niðurhalsmöppunni í tölvunni þinni.
