Birtur hefur verið listi yfir tilnefningar til hinnar alþjóðlegu In Other Words barnabókaverðlauna sem veitt eru fyrir verk er þykja skara framúr ætluð börnum á aldrinum 6-12 ára og eru eftir rithöfunda með annað móðurmál en ensku.
Alls eru átta bækur tilnefndar til verðlaunanna í ár, þar af eru tvær frá íslenskum höfundum.
Ævar Þór Benediktsson er tilnefndur fyrir bók sína Risaeðlur í Reykjavík sem Mál og menning gefur út og Kristín Ragna Gunnarsdóttir fyrir Úlfur og Edda: Dýrgripurinn sem kemur út hjá Bókabeitunni.
Í umsögn dómnefndar um bók Ævars segir að bókin sé mjög fyndin og stíll höfundar sé frjálslegur og skemmtilegur. Hún fjalli um að eignast vini og hversu skemmtilegt það sé að ala upp risaeðlu í svefnherberginu sínu.
Verðlaunin verða afhent á bókamessuni í London (London Book Fair) þann 11. apríl.
