Örninn og Fálkinn
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2017 | 438 | 3.990 kr. | ||
| Rafbók | 2017 | 990 kr. | |||
| Hljóðbók - streymi | 2021 | App | 990 kr. |
Örninn og Fálkinn
990 kr. – 3.990 kr.
Bæta á óskalistaEr á óskalista Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2017 | 438 | 3.990 kr. | ||
| Rafbók | 2017 | 990 kr. | |||
| Hljóðbók - streymi | 2021 | App | 990 kr. |
Um bókina
Örninn og Fálkinn er æsispennandi skáldverk um veruleika sem hefði getað orðið ef herlið Hitlers hefði komið á undan Bretum til Íslands.
Stríðið í Evrópu ratar til Íslands þegar nasistar ganga á land í Reykjavík vorið 1940. Sigurður Jónasson, ungur starfsmaður hjá Landsímanum, fylgist með hvernig fólk aðlagast hinu nýja Hitlers-Íslandi, margir græða og þjóðernissinnar sækja í sig veðrið. En þegar slettist upp á vinskap Hitlers og Stalíns í austri fer vísir að íslenskri andspyrnuhreyfingu að verða til.
Hvað er það sem nasistar eru í raun að vilja á Íslandi? Og hvað eru þeirra helstu vísindamenn að gera á hálendinu? Sigurður og félagar hans halda í hættuför þar sem markmiðið er að koma í veg fyrir það sem virðist vera óhjákvæmilegur sigur Þjóðverja í stríðinu.
Örninn og Fálkinn er þriðja skáldsaga Vals Gunnarssonar.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er 12 klukkustundir og 7 mínútur að lengd. Hinrik Ólafsson les.
8 umsagnir um Örninn og Fálkinn
Árni Þór –
„Ég get mælt með þessari bók fyrir alla þá sem hafa gaman af skemmtilegum spennusögum en ekki síst þeim sem njóta þess að grúska í sagnfræði og sögum frá seinna stríði … hér reynir Valur Gunnarsson að svara spurningunni „hvað ef?“ og gerir það listavel í formi skemmtilegrar sögu.“
Vilhjálmur Andri Kjartansson / Morgunblaðið
Árni Þór –
„… vekur upp áleitnar og áhugaverðar spurningar … stíllinn skemmtilegur, persónurnar áhugaverðar og samspil þeirra ekki síður, auk þess sem Valur er afar flinkur í því að skapa víðtækar tengingar í sögu og tíma … lokaspretturinn skemmtilegur, ekki síst vegna þeirra fjölmörgu tilvísana til þjóðsagna, bókmennta og nútíma sem höfundur fléttar inn.“
Úlfhildur Dagsdóttir / Bókmenntir.is
Árni Þór –
„Fyndinn á köflum og stíllinn skemmtilegur. Textinn rennur vel … Ánægjuleg lesning.“
Sunna Dís Másdóttir / Kiljan
Árni Þór –
„Það er búið að leggja óhemjumikla vinnu í þessa bók.“
Haukur Ingvarsson / Kiljan
Árni Þór –
„Skemmtilega er unnið með og úr þjóðsagna- og bókmenntaarfi Íslendinga ásamt sögulegum staðreyndum, persónum og atburðum. Þetta er bók sem vekur upp margar spurningar sem ástæða er til að velta fyrir sér.“
Silja Hrund Barkardóttir, bókmenntafræðingur / Goodreads
Árni Þór –
„Skemmti mér konunglega við lesturinn. Textinn er hnyttinn og fullt af snjöllum vísunum. Sagnfræðinirðir verða ekki sviknir og þarna er alveg smá Alistair MacLean líka.“
Stefán Pálsson, sagnfræðingur / FB
Árni Þór –
„…það er blandað saman ástarsögu og spennusögu í anda sagna á borð við Byssurnar frá Navarone eftir Alistair MacLean, sögur sem maður drakk í sig um hver jól á unglingsárum og seldust í Arnaldarupplögum, muni ég rétt. Á hinn bóginn er sagnfræðingurinn að vinna með hugmyndir um orsök og afleiðingu og spinnur ágætan þráð um atburði sem hefðu getað gerst og kryddar það með persónum sem voru til og við þekkjum flest.“
Gauti Kristmannsson / Víðsjá
Árni Þór –
„Bókin er vel skrifuð og af mikilli þekkingu um þennan tíma … Það sem áður var að miklu leyti samfélagsrýni og ádeila breytist snögglega í hreinræktaðan hasar og í lokin er bókin farin að minna á kvikmyndir um James Bond eða stríðsmyndir á borð við Where Eagles Dare og The Dirty Dozen. Styrkleiki seinni hlutans er þó sá að höfundurinn leyfir sér enn þá að nota þekkt nöfn úr Íslandssögunni og ráðstafa lífi þeirra og limum að vild.“
Kristinn Haukur Guðnason / DV