Ævintýrið um Víólu, Sæsu og illskeyttu nornina Elvíru er AUÐLESIN útgáfa af sögu um sömu persónur eftir Steinunni Maríu Halldórsdóttir sem gefin var út 2022. Rannveig Lund fékk styrk frá Hagþenki til þess einfalda og stytta söguna og laga hana að fólki í lestrar- og íslenskunámi. Á vefnum www.lrl.is er tvenns konar fylgiefni, textinn í hljóðbók og á skyggnum sem hvort tveggja  styður við reiprennandi lestur bókarinnar.

Brot úr texta:

Nú var Víólu nóg boðið.
– Hlustið, kallaði hún hátt.
Nornirnar þögnuðu.
– Er rétt að þið hafið ætlað
að drepa Elvíru til að losna við hana?
– Já, það er rétt, viðurkenndi nornin með gráa hárið.
– Síðan Elvíra norn kom í skóginn hafa allir horfið.
Pabbi og besti vinur minn eru orðnir að skóm.

Steinunn María Halldórsdóttir (1977-2019) fæddist og ólst upp í Reykjavík. Hún lauk prófi í þýsku frá HÍ og tölvunarfræði frá HR og lagði stund á ritlist og þýðingarfræði.