Í konungshöll Paradísar býr Aldís drottning ásamt átján dætrum og einum syni. Frá því að prins Artúr kom heim frá Mýrheim hefur hann þráð að ganga á vit ævintýranna á ný. Óvænt tækifæri býðst þegar systir hans, Úlfdís, ferðast til eyðimerkurheims. Litli prinsinn stenst ekki mátið og laumast með henni. Þar hitta þau Töru, sem er ólm í að bjarga sporðljónsunga sem tekinn var af sporðriddurum. Tekst þessu óvænta teymi að vinna saman og frelsa sporðljónsungann?