Í þessu nýstárlega verki tekur Æsa Sigurjónsdóttir listfræðingur og sagnfræðingur sér fyrir hendur að rannsaka klæðaburð karla á Íslandi frá því nokkru fyrir siðaskipti til aldamótanna 1800. Hún lýsir klæðnaðinum eins og hann var á hverjum tíma og gefur yfirlit yfir breytingar sem urðu á tískunni á þessum þrjú hundruð árum.

Í þessari umfjöllun er útlend samtímatíska höfð til samanburðar og hliðsjónar. Jafnframt kannar Æsa hvort Íslendingar hafi almennt fylgst með tískunni og hverjir það hafa verið sem ráðið mestu um tískuna hér á landi. Þá grefst Æsa fyrir um það hvaðan tískan hafi aðallega borist og hvort hún hafi e.t.v. haft eitthvert þjóðfélagslegt gildi.

Bókin er byggð á lokaritgerð til BA-prófs í sagnfræði 1983 og er gefin út í ritröðinni Ritsafn Sagnfræðistofnunar.