Grímsævintýri – Ævisaga hunds
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2012 | 116 | 3.590 kr. |
Grímsævintýri – Ævisaga hunds
3.590 kr.
Bæta á óskalistaEr á óskalista Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2012 | 116 | 3.590 kr. |
Um bókina
Hér fara æviminningar hundheppna hamingjudýrsins Gríms Fífils. Hann var fuglaveiðihundur sem veiddi aldrei fugla þótt hann gerði stundum flugu mein. Besta og Fúli völdu hann sérstaklega upp úr hvolpabæli úti í bæ og hann bjó með þeim og krílunum alla sína hundstíð. Grímur Fífill fór í hundaskóla en það átti ekki við hann. Samt kenndi Grímur Bestu og Fúla miklu meira en þeim tókst nokkru sinni að kenna honum. Góðir vinir ganga ekki endilega allir á tveimur fótum.
Grímur Fífill fól Kristínu Helgu Gunnarsdóttur að rita ævisögu sína, enda er hún með áratuga reynslu í að tala við hunda. Síðan bað hann Halldór Baldursson að teikna myndirnar því hann kann líka hundamál.
Grímsævintýri var tilnefnd til Fjöruverðlaunanna 2012 sem besta barnabókin.
6 umsagnir um Grímsævintýri – Ævisaga hunds
Bjarni Guðmarsson –
„Það er frásagnarmáti bókarinnar sem gerir hana eftirminnilega og sérstaklega skemmtilega. Í togstreitunni á milli hundmiðjaðrar frásagnar Gríms Fífils á atvikum í lífi sínu og skilnings lesandans á því sem raunverulega átti sér stað lifna æviminningarnar við og verða að ævintýrum.”
Úr umsögn dómnefndar Fjöruverðlaunanna
Bjarni Guðmarsson –
„Mér finnst ég skilja hunda betur!“
Kristján Kristjánsson / Föstudagsþátturinn, N4
Bjarni Guðmarsson –
„Þegar á heildina er litið er þetta hin skemmtilegasta bók fyrir hundavini á öllum aldri og falleg minning um horfinn félaga.“
Eyja M. Brynjarsdóttir / Druslubækur og doðrantar
Bjarni Guðmarsson –
„Erfitt er að nefna einhverja sögu öðrum betri, þær eru einfaldlega allar svo skemmtilegar. … auk þess að vera bráðfyndin lesning (ósjaldan var skellt hástöfum upp úr við lesturinn) er svo óskaplega mikil hlýja, væntumþykja og almenn gleði í bókinni um hann Grím Fífil. Myndirnar hans Halldórs bæta heilmiklu við söguna og það er gaman að sjá svona gott samstarf milli rithöfundar og myndlistarmanns.“
Anna Lilja Þórisdóttir / Morgunblaðið
Bjarni Guðmarsson –
„Þessari bók er hægt að mæla með fyrir börn á öllum aldri. Samskipti Bestu, Fúla og hundsins eru þó ekki síður skemmtilestur fyrir fullorðna. Sem betur fer, því það er kannski fyrst og fremst fullorðna fólkið sem þyrfti að lesa reglurnar hans Gríms og rifja upp að dýr er „ekki leikfang, heldur lifandi vera og vinur”.
Auður Aðalsteinsdóttir / Spássían
Bjarni Guðmarsson –
„Grímsævintýri Kristínar Helgu Gunnarsdóttur er yndisleg ævisaga hundsins Gríms Fífils, sem gengur illa að hemja eðli sitt … Hundurinn segir sjálfur sögu sína sem er full af ævintýrum og óvæntum uppákomum. … Sagan af þessum ærslafulla hundi er svo sannarlega líkleg til að heilla unga dýravini.”
Kolbrún Bergþórsdóttir / Morgunblaðið