Bræður og systur, segið ekkert, hvíslið ekki og umfram allt hrópið ekki! Skrifið frekar í snjóinn eða rispið svarið með nöglunum í ísinn. Það er bara ein spurning sem skiptir máli! Ó, bræður og systur – hvað er ást?

Mats Wahl hefur skrifað margar bækur um æskuárin. Magnaðar lýsingar hans á innri átökum söguhetjanna og baráttu við ógnvænlegar kringumstæður hafa fært honum margvísleg verðlaun og mikinn fjölda lesenda á öllum aldri. Í þessari spennusögu fjallar hann um nokkra félaga sem lenda upp á kant og eiga í hatrammri baráttu innbyrðis og út á við. Söguhetjan John-John er að byrja leiklistarnám en óvæntir atburðir hindra áætlanir hans. Heitar tilfinningar takast á og ýmist hefur yfirhöndina ást, hatur, ótti eða örvænting. En vegir ástarinnar eru órannsakanlegir og þrátt fyrir allt skiptir hún mestu máli.

Vetrarvík er fyrsta bókin í ritröðinni um John-John en á eftir komu Glötuð og John-John.