Bókin Treystið okkur! Við erum myndlistarmenn er tileinkuð stórum hópi ungra myndlistarmanna sem tók virkan þátt í sýningarhaldi og verkefnum gallerí Crymo.

Í bókinni er leitast við að skrásetja ákveðið tímabil og stemningu sem skapaðist með tilkomu gallerísins en Crymo var rekið af ungum listamönnum í tæp tvö ár. Á þessum stutta tíma voru settar upp 87 sýningar, með rúmlega 100 listamönnum og galleríið tók þátt í listmessunum á borð við Supermarket í Stokkhólmi og Alt_Cph í Danmörku.

Í bókinni eru kynntir til sögunnar stór hluti þeirra myndlistarmanna sem voru meðlimir í Crymo og jafn margir listamenn sem héldu sýningar í Crymo, svo úr verður vegleg heimild um virkni og kraft þessa gallerís.

Texti bókarinnar er bæði á íslensku og ensku.