Höfundur: Honoré de Balzac

Balzac var kominn á fertugsaldur þegar þessi bók kom fyrst út á prent. Hann hafði þá þegar látið nokkrar bækur frá sér fara sem lítillar hylli nutu. En með Evgeníu Grandet hófst sigurför hans sem entist til lokadægurs.

Þessi stutta, einfalda en dramatíska skáldsaga er löngu orðin klassísk. Hún er mikið afbragð vegna einstaklega snjallra persónulýsinga, nákvæmra staðháttalýsinga, vel gerðra samtala og lifandi atburðarásar. Hún hefur komið út í fjölmörgum útgáfum í Frakklandi og verið þýdd á fjölda tungumála. Og enn er hún að koma út, tæpum tvö hundruð árum eftir frumútgáfu. Nú er hún loks send íslenskum bókmenntaunnendum til fagnaðarauka.

Þýðandi er Sigurjón Björnsson.