Verið velkomin í útgáfuboð ljósmyndabókarinnar On the Road eftir Grétu S. Guðjónsdóttur.
Í On the Road beinir ljósmyndarinn Gréta S. Guðjónsdóttir sjónum sínum að leiðinni sjálfri, vegum landsins. Eins og allir Íslendingar þekkja eru fjallvegir og vegaslóðar landsins æði misjafnir en eitt eiga þeir þó sameiginlegt, þeir færa okkur nær undrum íslenskrar náttúru.
Gréta er ljósmyndari og leiðsögumaður sem hefur ferðast um Ísland síðan í æsku. Myndir hennar veita einstaka sýn á landið, landslagið og vegina sem við höfum skapað.
Boðið fer fram í Gym & Tonic sal Kex Hostels, Skúlagötu 28, föstudaginn 8. apríl milli 20 og 23.
Léttar veitingar í boði og allir velkomnir.
