Tonja Glimmerdal er stúlka sem fer sínar eigin leiðir, enda þótt hún sé bara níu ára og að verða tíu. Hún lendir í ýmsum atvikum sem gefa góða mynd af skapgerð hennar og ekki síður trygglyndi.

Hún er eina barnið sem býr í Glimmerdal og á erfitt uppdráttar þar sem vissir íbúar þar eru afskaplega ósáttir við hana. En hún lætur það sem vind um eyru þjóta. Besti vinur hennar er talsvert eldri en hún eða 74 ára. En vinátta þeirra er einstök og gefur góða mynd af hinum sanna kærleika óháð aldri.

Einstök barnabók og höfundurinn, Maria Parr, hefur verið borin saman við Astrid Lindgren, Ann Cath Vestly og Jóhönnu Spyri fyrir hugmyndaauðgi og skemmtilegheit. Bókin hefur verið tilnefnd til og hlotið fjölda alþjóðlegra barnabókaverðlauna. Bók fyrir börn og alla þá sem vilja varðveita barnið í sér.