The Whole Brain Leader er skyldulesning fyrir alla stjórnendur sem eru komnir á þann stað á sínum starfsferli að „enn eitt námskeiðið“ er ekki að skila þeim virðisauka sem væntingar stóðu til.

Bókin fjallar um það hvernig stjórnendur geta meðvitað stigið upp í að verða betri leiðtogar. Hún er ferðalag þar sem lesandinn er virkur þátttakandi í eigin þroskaferli.

Bókin er fjórþætt. Í fyrsta hluta er lögð áhersla á að horfast í augu við þann raunveruleika sem er. Í öðrum hluta er farið í heildarhugsun og ávinning þess að skilja hvernig aðrir hugsa og bregðast við úr frá sínum „raun“-veruleika. Í þriðja hluta bókarinnar er kennt hvernig leiðtoginn getur innleitt markþjálfun sem hluta af sínum stjórnunarstíl og að lokum eru allir þættirnir samtvinnaðir þar sem lesandinn getur formað sína eigin aðgerðaráætlun.

Bókin er á ensku.