Í Rússlandsdeildinni er fléttað saman af listfengi spennandi atburðarrás í njósnaheiminum og ljúfsárri ástarsögu sem lætur engan ósnortin.

Á bókasýningu í Moskvu afhendir rússnesk stúlka enskum sölumanni dularfullan pakka. Viðtakandinn er bókaútgefandi í London og í pakkanum eru upplýsingar frá sovéskum vísindamanni sem taldar eru mikilvægar fyrir varnir Vesturlanda. Breska leyniþjónustan sendir útgefandann til að reyna að komast í samband við stúlkuna og vísindamanninn. Þessar þrjár persónur bindast sterkum böndum og mannlegar tilfinningar setja strik í áætlanir Bretanna.