Höfundur bókarinnar , Heimir Þorleifsson sagnfræðingur, hefur kennt sagnfræði í áratugi við Menntaskólann í Reykjavík. Hann hefur skrifað fjölda sagnfræðiverka sem borið hafa hróður hans sem fræðimanns og má í því sambandi minna á Söguþræði símans sem út var gefin árið 1986. Segja má að á þeim áratug sem síðan er liðinn hafi Heimir verið að viða að sér og vinna það verk sem nú kemur fyrir augu lesenda, Póstsaga Íslands 1776-1873.

Póstsagan er ítarlegt heimildaverk sem nær frá byrjun opinberrar póstþjónustu til 1873 en þá var stofnað embætti póstmeistara og tímamót verða í póstsögunni m.a. með frímerkjanotkun.