Hún var ung og heillandi – hann varð dularfyllsti rithöfundur 20. aldarinnar.

New York árið 1940. Jerry Salinger dreymir um að verða rithöfundur. Þegar hann kynnist hinni töfrandi en kornungu Oonu, dóttur Nóbelsskáldsins Eugene O’Neill, þróast vinátta þeirra fljótt yfir í ástríðufullt samband. Salinger er kallaður í herinn en Oona flytur til Hollywood í von um að verða leikkona. Meðan hann upplifir hrylling stríðsins og útrýmingarbúðir nasista verður hún ástfangin af leikstjóranum og gamanleikaranum Charlie Chaplin, þrátt fyrir mikinn aldursmun.

Heimkominn úr stríðinu lokar Salinger sig af og skrifar. Skáldsaga hans Bjargvætturinn í grasinu er talin með merkustu bókmenntaverkum tuttugustu aldarinnar. Hann varð einn dularfyllsti rithöfundur síðari ára; Oona giftist Chaplin og eignaðist átta börn með honum. En hvaða þýðingu hefur æskuástin síðar á ævinni? Og skiptir aldurinn einhverju máli?

Franski rithöfundurinn Frédéric Beigbeder spinnur hér eftiminnilega sögu úr takmörkuðum heimildum. Örlög persónanna hrífa lesandann með sér og frásögnin, hvort heldur hún hverfist um stríðsátök í Evrópu eða bílífi fræga fólksins í Hollywood, er bæði forvitnileg og áhrifamikil. Beigbeder hefur áður skrifað ritgerðir, pistla, smásögur og átta skáldsögur sem þýddar hafa verið á fjölmörg tungumál.

Friðrik Rafnsson þýddi.

* * * *
„Sterk, forvitnileg og heillandi skáldsaga um fólk sem alltaf vekur forvitni … full af ást og innsæi … Maður trúir hverju orði … Þýðing Friðriks Rafnssonar er, eins og við er að búast, á hnökralausri íslensku sem aldrei stuðar og skilar blæbrigðum textans til fullnustu. Það er upplifun að lesa þessa sögu, upplifun sem allir sem nokkurn áhuga hafa á Salinger eða þróun bandarískrar stjörnudýrkunar ættu skilyrðislaust að láta eftir sér að lesa.“
Friðrika Benónýsdóttir / Fréttablaðið

* * * 1/2
„Útkoman er sannfærandi. Honum tekst yfirleitt vel að gæða persónur bókarinnar lífi, og þá sérstaklega Oonu. Höfundurinn er beinlínis heillaður af hinni ungu, fögru og dulúðugu Oonu og innileg hrifning hans smitast til lesandans … Greinilegt er að höfundur hefur unað sér vel við að skrifa bókina og lesendur ættu að hafa gaman af að lesa hana.“
Kolbrún Bergþórsdóttir / DV

„Samtalið sem bók Beigbeders býður upp á við önnur verk, hvort sem það eru heimildarmyndir, gömul myndbönd, bíómyndir Chaplins eða verk Salingers, verður einungis til þess að auka áhrifin af bókinni.“
Rúnar Helgi Vignisson /

? ? ? ?
„Listavel skrifuð bók.“
Le Figaro