Nikký er orðin 12 ára gömul og í sumarfríinu ætlar hún ein til Sviss þar sem föðurfjölskylda hennar vinnur við stóran sirkus. Nikký hefur lært að nota einstaka náðargáfu sína sem gerir það að verkum að enn og aftur sogast hún inn í magnaða hringiðu þar sem galdrar, álög og dularfull öfl taka völdin í hinum litríka sirkusheimi. Nú reynir á Nikký að beita hæfileikum sínum og áræðni til að leysa málin áður en illa fer.