Líf annarra en mín á það sammerkt með öðrum bókum Emmanuels Carrère að hún er skrifuð af knýjandi þörf. Þörf fyrir að setja sig inn í aðstæður fólks, skilja hvernig því tekst að komast yfir áföll, ákafri löngun til að tengja atburði, fólk og samfélag. Úr verður áhrifamikil frásögn af óþrjótandi ást, hugrekki og gæsku á ögurstundu; af því stórbrotna undri sem mannfólkið og líf þess er.

Sjálfur segir Carrère um tilurð bókarinnar:
Með nokkurra mánaða bili varð ég vitni að því sem veldur mér einna mestri skelfingu af öllu sem ég get ímyndað mér: annars vegar dauða lítils barns, hins vegar dauðastríði ungrar konu með krabbamein…
Þá var sagt við mig: Þú ert rithöfundur, af hverju skrifarðu ekki sögu okkar?
Ég varð einfaldlega við þessari bón.

Sigurður Pálsson þýddi.