Viðauki nótnabókarinnar Íslensk sönglög - með undirleik.

Út er komin nótnabókin Íslensk sönglög – með undirleik. Bókin inniheldur sautján íslenskar söngperlur í útsetningum Einars Scheving og er hún ætluð öllum laglínuhljóðfærum. Einnig getur hún nýst söngvurum, þeim sem leika á hljómahljóðfæri og þeim sem vilja æfa spuna.

Hvert lag er prentað í fjórum útgáfum; fyrir C-, Bb- og Eb-hljóðfæri og fyrir hljóðfæri skrifuð í F-lykli. Bókinni fylgir geisladiskur þar sem lögin eru leikin bæði með og án laglínu.

Bókinni er ætlað að fylla ákveðið skarð í tónlistarkennsluefni landsins, en fram til þessa hefur engin bók af þessu tagi verið til með íslenskum lögum.