ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Bæta á óskalistaEr á óskalista
Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Mjúk spjöld | 2017 | 36 | Verð 2.190 kr. | ||
| Rafbók | 2017 | Verð 990 kr. | Setja í körfu |
6 umsagnir um Heilaskurðaðgerðin
Árni Þór –
„Dagur er mjög myndvís, mér finnst mjög fallegar myndir í þessari bók, og þetta er fallegt ferðalag. Brothætt, einlægt og mjög fallegt. Mjög snoturt og vel gerð bók … Þetta er svona bók sem að fólk sem almennt les ekki mikið af ljóðum getur tekið upp og þetta er mjög góður vegvísir inn í það sem ungu skáldin eru að fást við.“
Haukur Ingvarsson / Kiljan
Árni Þór –
„Mér finnst Dagur ná að fanga ótrúlega vel þessa skringilegu daga … hann nær þessari kyrrð og þessu ógnarfegurðar jafnvægi sem ríkir á þessum dögum sem þú ert á milli sorgar og vonar og heims og helju hreinlega. Það er allt kyrrt og stillt og fallegt og brothætt. Ljóðin eru einföld en hann nær einhverjum galdri þarna. Hversdagsgaldri.“
Sunna Dís Másdóttir / Kiljan
Árni Þór –
„… án efa áhugaverðasta, íslenska ljóðabók sem ég hef lesið í háa herrans tíð … ég yrði meira en hissa ef Heilaskurðaðgerðin fengi ekki tilnefningu til bókmenntaverðlaunanna íslensku … Ég veðja algerlega á þetta skáld.“
Snæbjörn Arngrímson / Kaktusinn.is
Árni Þór –
„Ljóðin í Heilaskurðaðgerðinni eru falslaus og huggandi, það er ekki vaðið inn í sársauka og ótta með dramatískum lýsingum eða tilfinningaklámi heldur er merking sköpuð með myndrænum samstæðum og einlægni. Hér er engin beisk ádeila, engin stríð átök við form né efni, en allt gengur leikandi upp því það er talað beint frá hjartanu. Hreinlega heilbrigð og mannbætandi lesning.“
Steinunn Inga Óttarsdóttir / Kvennablaðið
Árni Þór –
„Dagur birtist sem sjálfstætt, öruggt og fínt skáld, í áhugaverðu og mjög vel mótuðu ljóðasafni … Heilaskurðaðgerðin er veigameira og áhrifaríkara verk, verks skálds sem þekkir og treystir rödd sinni … Margt er mjög vel gert í þessari bók og hún styrkist við hvern lestur … sjálfstætt verk lærðs og myndvíss skálds.“
Einar Falur Ingólfsson / Morgunblaðið
Árni Þór –
„Vandlega ort og fögur ljóðabók sem lætur engan ósnortinn og sem flestir ættu að lesa … Heilaskurðaðgerðin er án efa besta bók Dags Hjartarsonar til þessa og dásamlegt dæmi þess hversu mikilvæg ljóð eru enn í dag. Ljóðmælandi talar ekki aðeins til konu sinnar heldur okkar sem þurfum að yfirstíga eigið myrkur en ljóðið getur hjálpað okkur til þess, verið eins konar „sárabindi utan um veröldina“.“
Helga Birgisdóttir / Fréttablaðið