Fræðaskjóða: Bókmenntafræði fyrir forvitna, snýst eins og nafnið bendir til um bókmenntafræði. Í upphafi segir af ýmsum meginatriðum sem gott er að huga að þegar bókmenntir eiga í hlut, en síðan er rætt sérstaklega um ljóð og frásagnir, þar með talin leikrit og frásagnarljóð.

Margt hefur breyst í afstöðu til bókmenntafræði síðustu áratugi og leitast er við að gera ýmsu af því skil. Þá eru tekin ófá dæmi af íslenskum bókmenntum fornum og nýjum og þau höfð sem fjölbreyttust. Fyrir vikið eru þau jafnt sótt í útgefnar bækur sem tekin af mannamunni eða ýmsum vefmiðlum.