Um áratugaskeið var Árni Bergmann lykilmaður í íslensku menningarlífi. Hann var lengi blaðamaður og ritstjóri á Þjóðviljanum, helsta málgagni íslenskra vinstrimanna, og skrifaði jöfnum höndum um bókmenntir og alþjóðamál.

Skrif hans einkenndust af víðsýni, réttlætiskennd og sjaldgæfri viðleitni til að skilja ólíkan þankagang. En Árni á sér önnur tilverusvið: hann er skáldsagnahöfundur sem hefur meðal annars skrifað njósnasögu, þorpssögu, kvótasögu og sögulega skáldsögu; heimspekingur sem velt hefur fyrir sér hinstu rökum tilverunnar og glímunni við Guð; eiginmaður og faðir sem tengst hefur Rússlandi og gyðingum á sérstakan hátt; ferðalangur …

Allt þetta og meira til rekur Árni í hlýlegum og yfirlætislausum minningum sínum þar sem við sögu koma ótal samferðamenn og góð innsýn gefst í mikla umbrotatíma í íslensku þjóðlífi.