Í handbókinni er leitast við að dýpka skilning þeirra sem starfa með nemendum með ADHD, einkum á grunnskólastigi, og bent á leiðir til að mæta þörfum nemenda.

Bókin er tekin saman að beiðni Samráðshóps um aðgerðaáætlun í þágu barna og ungmenna sem starfaði á árunum 2009 til 2011 í samstarfi við velferðarráðuneytið, mennta- og menningarmálaráðuneytið, fjármálaráðuneytið og Samband íslenskra sveitarfélaga.

Tvö fyrstnefndu ráðuneytin stóðu straum af kostnaði við fyrstu útgáfu og var bókinni dreift endurgjaldslaust til allra grunnskóla.