Einar Kárason rithöfundur hefur flutt Sturlungu til samtímans á eftirminnilegan hátt í skáldverkum sínum en einnig látið að sér kveða í fræðilegum umræðum um Njálssögu og höfund hennar. Á tveggja daga námskeiði föstudaginn 13. og laugardaginn 14. maí ræðir hann í Tveimur heimum, Síðumúla 35, um spurninguna:
Hvaðan kemur Njála – upp úr hverju er hún sprottin?
Ritunartími Njálssögu hefur verið nokkurn veginn sannreyndur. Í ljósi hans er forvitnilegt að skoða hvaða atburði, deilur og stríð sá sem skrifaði bókina hafði upplifað í eigin samtíma og hvernig þeir atburðir enduróma í sögunni sem hann skráði.
Njála gerist á árunum í kringum 1000 en var ekki samin fyrr en tæpum þremur öldum síðar. Í sögunni má víða heyra bergmál af seinni tíma atburðum, þeir birtast í persónum og framvindu sögunnar.
Jafnframt verður hugað að bókmenntatískum og straumum frá samtíma Njáluhöfundar og hver sé líklegastur til að hafa skrifað svo stórbrotið bókmenntaverk í fámennu og fábrotnu samfélagi þrettándu aldar.
Það sannast nú enn með efnistökum í Borgarleikhúsinu á Njálu að sagan er sígild uppspretta hvers kyns listsköpunar. Að fræðast um jarðveg sögunnar dýpkar enn skilning á gildi hennar.
Tími: 20-21:30, 13. og 14. maí.
Gjald fyrir námskeiðið er 12.500kr
Leiðbeinandi áskilur sér rétt til breytinga.
Upplýsingar og pantanir á námskeiðið í síma 786 8699 eða í tölvupósti: 2heimar@2heimar.is
