Bókamessan í London fer fram í vikunni en þangað senda íslensk forlög útsendara sína að kynna íslenskar bækur og höfunda en einnig til þess að finna heitustu erlendu titlana til að þýða yfir á íslensku.
Gríðarlegur áhuga er á verkum Andra Snæs Magnasonar í kjölfar forsetaframboðs hans. Mikill fjöldi útgefenda safnast saman hjá réttindastofu Forlagsins og keppast um réttinn á verkum hans.
Starfsmenn réttindastofu Forlagsins segja greinilegt að erlendir útgefendur fylgist vel með framgangi mála á Íslandi og að atburðir undanfarinna vikna séu á allra vitorði. Að sama skapi er áhuga útgefenda á íslenskum bókmenntum í hámarki.
Á dögunum var útgáfurétturinn á nýjustu bók Andra Snæs, Tímakistan, seldur til Japan og Kína. Bækur hans virðast hafa einstakt aðdráttarafl og höfða til fólks um allan heim. Tímakistan, Draumalandið og LoveStar hafa verið seldar til fjölda annarra landa sem og Sagan af bláa hnettinum sem hefur komið út í yfir 30 löndum.
