Ljóðabókin Spegill undir fjögur augu er eftir Jóhönnu Sveinsdóttur (1951-­1995). Jóhanna lést af slysförum 8. maí 1995 og lét eftir sig fullbúið handrit að þessum ljóðabálki.

Soffía Auður Birgisdóttir bókmenntafræðingur fylgir bókinni úr hlaði m.a. með eftirfarandi orðum: “Spegill undir fjögur augu er margslunginn ljóðabálkur sem hefur tungumálið sjálft að aðalviðfangsefni, mál skáldskaparins sem fest er á blað með hinu “svarta sæði Satúrnusar”, blekinu. Textinn býr yfir ísmeygilegum húmor og íroníu en burðarás bálksins er sterkur ljóðrænn strengur.”

Ólöf Birna Garðarsdóttir hannaði útlit bókarinnar og kápu.