Þessi litla bók er hugsuð sem lofsöngur til augnabliksins. Þessu sem jafnan er slegið á frest eða látið þoka fyrir því sem er í vændum eða skákað í skuggann af því sem hefði átt að vera. Samt er augnablikið það eina sem við eigum með vissu. Og þótt það sé ekki stórt þá rúmar það samt veröldina. Hver veit nema í andránni búi sjálft frækorn hamingjunnar? Ef við leyfum því að skjóta rótum. Ef við leyfðum því að springa út.

Vasabók þessi kom upphaflega út árið 1989.