Upplýsingaröldin. Úrval úr bókmenntum 18. aldar er umfangsmesta safn íslenskra texta frá 18. öld sem út hefur komið. Upplýsingaröldin er einn mesti umbrotatími íslenskrar menningarsögu. Þar liggja rætur 19. aldar og þeirrar voldugu vakningar sem gerði Íslendinga að nútímaþjóð. Því er þekking á menningu og vitundarlífi 18. aldar hverjum manni nauðsynleg til skilnings á sögu seinni tíma. Hér eru margar helstu perlur bókmennta okkar og fræða en bókinni lýkur á Eftirmælum átjándu aldarinnar eftir Magnús Stephensen.