Á hverju kvöldi eftir að hafa höggvið í eldinn, sátum við og spjölluðum saman í tjaldinu okkar við mynni Broddgaltarárinnar, þar sem hún fellur út í Yukonfljótið. Þetta endaði ævinlega með því að mamma sagði mér sögu.

Kvöld nokkurt var það saga sem ég hafði ekki heyrt áður – um tvær gamlar konur og leið þeirra gegnum þrengingar. Þessi sögn af gömlu konunum tveimur er frá því löngu áður en vestræn menning hélt innreið sína, og hefur borist kynslóð fram af kynslóð, mann fram af manni, til móður minnar og þaðan til mín.

Höfundurinn, Velma Wallis, varð víðfræg þegar þessi bók kom út. Hún er af frumbyggjaættum Alaska, fædd árið 1961.

Gyrðir Elíasson íslenskaði.

ATH. Tvær gerðir hljóðbóka eru í boði fyrir þessa vöru. Hljóðbókin er til á geisladiski (CD eða Mp3) sem afhendist í pósti eða úr verslun en einnig er hægt að fá hljóðbók sem er afhent rafrænt og hægt er að hlusta á beint í gegnum app Forlagsins eða vafra (Hljóðbók – App). Hér má lesa meira um hljóðbækur fyrir appið.

Hljóðbókin er um 2 klukkustundir að lengd. Ingrid Jónsdóttir leikkona les.