Þjóðfáni Íslands – notkun, virðing og umgengni er myndræn framsetning á lögum og reglum um meðferð íslenska þjóðfánans.

Ýmiss konar ranghugmyndir um meðferð íslenska fánans eru lífseigar í hugum þjóðarinnar, til að mynda að fáninn sé ónýtur ef hann snertir jörð og að þá verði að brenna hann. Einnig eru margir feimnir við að flagga fánanum nema á helstu tyllidögum.

Bókinni er ætlað að sýna með skýrum hætti að það er auðvelt að umgangast íslenska fánann af virðingu og að reglur um meðferð hans eru byggðar á almennri skynsemi.

Formála ritar frú Vigdís Finnbogadóttir.