Þú ert hér://Stálnótt

Stálnótt

Höfundur: Sjón

Fjaran nötrar. Hljómmiklar drunurnar hækka enn. Svart ónáttúrulegt form rís úr öldurótinu. Sterkir ljósglampar kljúfa rautt hafið. Með ógurlegum hvin slítur bifreiðin sig frá útsoginu. Eykur ferðina og staðnæmist með hnykk. Þetta er nóttin þegar Johnny Triumph stígur á land, „langur og grannur, dökkhærður, með dáralokk í spíss niður á mitt enni og brún sólgleraugu í gilltri sporöskjulaga umgjörð“. Og hvílík nótt: Jonninn, Finnurinn, Dísan og annan urðu ekki söm eftir. Og samtímis stígur Sjón fram á svið íslensk sagnaskáldskapar eftir fjölmargar ljóðabækur, frumlegur, myndvís og harðsvíraður. Hann sest undir stýri, skellir aftur hurðinni, rennir augunum eftir landinu, í vestur, í átt til borgarinnar.

Stálnótt er fyrsta skáldsaga Sjóns, hún kom upphaflega út árið 1987 en hefur verið ófáanleg um árabil.

Verð 1.485 kr.

Gerð SíðurÚtgáfuárVerðMagn
Rafbók-2017 Verð 1.485 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / /

2 umsagnir um Stálnótt

  1. Kristrun Hauksdottir

    „Bókina má skoða sem sköpunarsögu hugarfósturs sem fæðist eins og djöfull í heim engla.“
    Ólafur Engilsbertsson / Helgarpósturinn, 1987

  2. Kristrun Hauksdottir

    „Það má kannski líka með nokkrum rétti halda því fram að Stálnótt sé ekki skáldsaga, heldur ljóðaflokkur, en ég fæ ekki séð að það skipti nokkru máli. Ekki frekar en spurningar um það hvort Sjón sé súrrealisti, dadaisti, fútúristi eða frík, skipta máli; hann er skáld.“
    Friðrika Benónýs / Morgunblaðið 1987

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund