Hún er búin að baka og þrífa í marga daga og er að niðurlotum komin eftir allann jólaundirbúninginn eins og kemur í ljós á aðfangadagskvöld. Snuðra og Tuðra eru rammíslenskar aksjónhetjur sem hafa kætt kynslóðir undanfarinna ára með skessulátum sínum. Mamma þeirra þarf oft að vera þolinmóð en hún vill að þær systur læri fyrst og fremst af reynslunni. Ungir foreldrar sem ólust upp með Snuðru og Tuðru geta nú endurnýjað kynnin við þær með börnum sínum.
Þetta er sjöunda bók Iðunnar Steinsdóttur um ólátabelgina vinsælu, Snuðru og Tuðru, sem nú er endurútgefin með nýjum myndskreytingum eftir Lóu Hlín Hjálmtýsdóttur.