Höfundur: Björn Halldórsson

Smáglæpir er smásögusafn sem samanstendur af sjö sögum úr úthverfum Reykjavíkur þar sem skoðaðar eru ákvarðanir sem ekki verða aftur teknar og eftirsjá sem varir út ævina.

Persónurnar bera sekt sína í hljóði þar til hún er orðin að þráhyggju sem hvorki er hægt að gangast við né leita sér aflausnar á. Þetta eru smáglæpirnir: tilfinningasárin sem við völdum, tækifærin til að breyta rétt sem við misstum af, orðin sem við létum ósögð.

Bókin hlaut afburða góðar viðtökur lesenda á liðnu sumri og góða dóma meðal bókmenntagagnrýnenda.

Höfundur er búsettur í Long Island í New York fylki. Hann hefur numið ritlist og bókmenntafræði við háskóla í Bretlandi. Smásögur Björns hafa birst í hinum ýmsu bókmenntatímaritum, heima og erlendis. Smáglæpir hlutu nýræktarstyrk Miðstöðvar íslenskra bókmennta árið 2016,