Þú ert hér://Sálumessa

Sálumessa

Höfundur: Gerður Kristný

Þú háðir
dóm yfir heimi
sem aldrei
hélt skildi yfir þér

Sálumessa flytur bæn þeirra sem lifa um að sál þess látna megi bjargast. Í ljóðabálki Gerðar Kristnýjar er sungin messa yfir konu sem féll fyrir eigin hendi svo þjáning hennar og líf fái ekki að gleymast.

Gerður Kristný er eitt víðlesnasta samtímaskáld okkar og ljóðabálkar hennar, Blóðhófnir og Drápa, hafa hlotið verðskuldaða athygli innan lands og utan fyrir meitlað ljóðmál og brýnt erindi.

Frá 2.990 kr.

Gerð SíðurÚtgáfuárVerðMagn
Innbundin872018 Verð 4.290 kr.
Rafbók-2018 Verð 2.990 kr.

8 umsagnir um Sálumessa

  1. Arnar Tómas

    „Sálumessa Gerðar Kristnýjar skiptir máli, af því aldrei er nógsamlega barist gegn þeim öflum sem vilja þagga kynferðisofbeldi. Aldrei er nógsamlega vakin athygli á alvarleika slíkra glæpa.“

    Kristín Heiða Kristinsdóttir

  2. Arnar Tómas

    „…ljóðin verður að lesa og endurlesa oft því aðeins þannig mun merkingarheimur þeirra opnast að fullu.“

    Soffía Auður Birgisdóttir / skald.is

  3. Arnar Tómas

    „Bókin er snilldarvel gerð og lætur engan ósnortinn sem les.“

    Ragnar Ingi Aðalsteinsson

  4. Arnar Tómas

    „Sálumessa er sterkasti ljóðabálkur sem ratað hefur í hjarta mitt.“

    Vigdís Grímsdóttir

  5. Arnar Tómas

    „Einkenni á skáldskap Gerðar Kristnýjar er hnífskarpt ljóðmál og skýr tákn. Stór örlög eru undir sem lýst er í áhrifaríkum myndum með fáum orðum.“

    Steinunn Inga Óttarsdóttir

  6. Arnar Tómas

    „Í ljóðabókinni Sálumessu er sungin mergjuð sálumessa sem Gerður Kristný hefur með sínum hamri meitlað í ljóðhendingar þar sem orðin vísa okkur um víðan völl þeirra mörgu sem liðu og líða fyrir ágengni þeirra sem hrifsa til sín. Þjáning þeirra sem líða má ekki gleymast.“

    Jórunn Sigurðardóttir / Orð um bækur

  7. Arnar Tómas

    „Nú hef ég mætt til þeirrar Sálumessu sem Gerður Kristný syngur konu sem hefði kannski aldrei dáið um þrítugt ef við sem samfélag hefðum bara verið komin lengra. Ef þöggunin hefði ekki enn ríkt. Ég er örmagna. Man ekki eftir áhrifaríkari lestri árum saman. Það vantar orð fyrir skáld eins og Gerði sem sameinar aflið í náttúrunni og veðráttu tilfinninganna. Það vantar svo mörg orð.”

    Katrín Oddsdóttir

  8. Arnar Tómas

    „Ekki er unnt að gera þessum áhrifamikla kvæðabálki Gerðar Kristnýjar viðhlítandi skil í orðum – það vantar orð. Það verður að lesa ljóðabálkinn. Allir hugsandi menn, konur og ekki síst við karlar þurfum að lesa bálkinn – lesa Sálumessu Gerðar Kristnýjar – ekki einu sinni heldur sjö sinnum sjö.”

    Tryggvi Gíslason

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund