Höfundar: Esi Edugyan, Ólöf Pétursdóttir þýddi

Líf þrælanna á sykurplantekru á Barbados árið 1830 verður hreinasta helvíti þegar nýr húsbóndi tekur við. Ellefu ára gamall drengur er sér til skelfingar valinn til þess að þjóna bróður húsbóndans, sérlunduðum vísindamanni. Bróðirinn reynist þó vera góðmenni og milli hans og drengsins skapast traust og væntumþykja. En í grimmúðlegum heimi nýlendutímans er hvergi rúm fyrir vináttu af þessu tagi.

Sagan af Washington Black er heillandi verðlaunasaga um frelsi, svik og leit að samastað í fjandsamlegri tilveru. Sögusviðið er litríkt og andi ævintýraleiðangra Jules Verne svífur yfir vötnum.

Kanadíski rithöfundurinn Esi Edugyan er ættuð frá Ghana og hefur hlotið fjölmargar viðurkenningar fyrir verk sín. Sagan af Washington Black var meðal annars tilnefnd til Man Booker-verðlaunanna 2018 og fékk kanadísku Giller Prize-bókmenntaverðlaunin sama ár. Fjölmörg blöð og tímarit, þar á meðal The New York Times og The Washington Post, hafa valið hana eina af tíu bestu bókum ársins 2018.

Ólöf Pétursdóttir þýddi.