Höfundur: Einar Már Jónsson

Þegar menn tóku að velta fyrir sér atburðum síðustu ára, aðdraganda hrunsins, aðgerðum eða aðgerðaleysi einstakra manna var eins og aðalatriðið gleymdist – að grafast fyrir um rætur þessa alls, frjálshyggjuna og kennisetningar hennar.

Þess vegna er orðið brýnt að víkka sjónarhornið og takast á við kennisetningarnar sjálfar. Til þess verður að fara aftur í tímann og athuga hvernig þessar kenningar urðu til, hvaða hlutverki þær gegndu og hvernig þær bárust áfram.

Í þessari bók kafar höfundur ofan í þessa sögu á nýstárlegan og mjög svo óhefðbundinn hátt og skoðar hvað kunni að leynast að baki vígorðunum.

Einar Már Jónsson er sagnfræðingur og doktor í miðaldafræðum. Hann kenndi mörg ár við Sorbonne-háskóla í París. Bók hans, Bréf til Maríu, vakti gífurlega athygli og umræður þegar hún kom út árið 2007.

Örlagaborgin var tilnefnd til Íslensku bókmenntaverðlaunanna.