Nafn mitt er rauður
Gerð | Útgáfuár | Síður | Verð | Magn | |
---|---|---|---|---|---|
Mjúk spjöld | 2008 | 511 | 990 kr. |
Nafn mitt er rauður
990 kr.
Bæta á óskalistaEr á óskalista Bæta á óskalista
Gerð | Útgáfuár | Síður | Verð | Magn | |
---|---|---|---|---|---|
Mjúk spjöld | 2008 | 511 | 990 kr. |
Um bókina
Seint á sextándu öld felur soldáninn í Istanbúl fremstu skrifurum og myndlistarmönnum í ríki sínu að setja saman viðhafnarrit að evrópskum sið. Verkið skal unnið á laun og er mikið hættuspil þar sem öll hlutbundin myndlist stangast á við ríkjandi trúarhugmyndir í landinu. Listamennirnir þurfa að fara huldu höfði en þegar einn þeirra hverfur sporlaust grípur um sig ótti. Hann kann að hafa orðið fórnarlamb trúarofstækis – eða afbrýðisemi. Soldáninn krefst skjótra svara og hugsanlega leynist vísbending um afdrif mannsins í hálfköruðum myndverkum hans.
Nafn mitt er Rauður er margslungin skáldsaga; ekki aðeins óvenjuleg morðgáta og hjartnæm ástarsaga af framandi slóðum, heldur einnig áleitin krufning á eðli listrænnar sköpunar. Hér kallast margar raddir á – framliðinn maður, morðingi, elskendur, hundur og tré eru meðal þeirra sem fá málið í þessari þéttofnu og litríku verðlaunasögu frá Tyrklandi.
Orhan Pamuk hlaut nóbelsverðlaunin í bókmenntum árið 2006. Hann hefur hlotið fjölda annarra viðurkenninga fyrir skáldsögur sínar víða um lönd en þær hafa verið þýddar á yfir tuttugu tungumál. Nafn mitt er Rauður er fyrsta bók hans sem kemur út á íslensku.
Árni Óskarsson þýddi.
4 umsagnir um Nafn mitt er rauður
Elín Edda Pálsdóttir –
„Þessi bók er frábær til aflestrar á óróatímum þegar fólk þarfnast þess umfram allt að sökkva sér ofan í bók, bæði þykka og stóra, sem endist í marga daga og róar bæði sál og líkama. Að lestri lokum situr eftir þessi tilfinning sem aðeins lestur verulega góðrar bókar getur skilið eftir.“
Runólfur Ágústsson / runolfur.is
Elín Edda Pálsdóttir –
„Textinn er ákaflega blæbrigðaríkur … Þetta er fyrsta verk hans sem er þýtt á íslensku og fengur að því – svo maður sæki nú aðeins í klisjubankann. En það er ekkert klisjukennt við verk Pamuks … Þetta verk er einhvern veginn bæði kunnuglegt og framandi í senn.“
Gunnþórunn Guðmundsdóttir
Elín Edda Pálsdóttir –
„Þessi veglegi doðrantur er sannkallaður yndislestur… Pamuk nær á fyrstu síðunum að draga lesandann inn í heim sem hann situr enn fastur í eftir að síðurnar fimm hundruð eru að baki.“
Þórarinn Þórarinsson / Nýtt líf
Elín Edda Pálsdóttir –
„ … sögufléttan [er] listilega ofin.“
Geir Svansson / Morgunblaðið