Þú ert hér://Maxímús Músíkús heimsækir hljómsveitina

Maxímús Músíkús heimsækir hljómsveitina

Höfundar: Hallfríður Ólafsdóttir, Þórarinn Már Baldursson

Maxímús Músíkús heimsækir hljómsveitina er fjörug saga um litla mús sem villist inn í tónlistarhús. Þar er heil sinfóníuhljómsveit að hefja æfingu og músin Maxi þvælist fyrir fótum hljóðfæraleikaranna góða stund á meðan þeir stilla hljóðfærin sín og gera sig klára. Um leið lærir hann hvað hljóðfærin heita og hvers konar hljóð þau gefa frá sér. Maxi fylgist með æfingunni sem verður sannkallað ævintýri og gefst að lokum tækifæri til að hlusta á tónleika innan um prúðbúna tónleikagesti.

Söguna skrifar Hallfríður Ólafsdóttir, leiðandi flautuleikari við Sinfóníuhljómsveit Íslands, og myndirnar teiknar starfsbróðir hennar í hljómsveitinni, Þórarinn Már Baldursson víóluleikari.

Bókinni fylgir geisladiskur þar sem Valur Freyr Einarsson leikari les söguna skreytta líflegum áhrifshljóðum og Sinfóníuhljómsveit Íslands leikur tónverkin sem við sögu koma: Hátíðargjall fyrir hinn almenna borgara eftir Aaron Copland, Bolero eftir Maurice Ravel og Á Sprengisandi eftir Sigvalda Kaldalóns, að ógleymdu Laginu hans Maxa eftir Hallfríði Ólafsdóttur. Hljómsveitarstjóri er Rumon Gamba.

Maxímús Músíkús heimsækir hljómsveitina er skemmtileg saga sem geymir heilmikinn fróðleik um hljóðfæri sinfóníuhljómsveitarinnar og sígilda tónlist. Bókin er ætluð börnum á aldrinum 3 til 10 ára.

„Þetta er ákaflega skemmtilegt ... Mikil perla.“
Gerður Kristný / Mannamál, Stöð 2

[dómar]

„Ritlist, myndlist og tónlist í einum pakka. Það gerist ekki betra! Texti og myndir leika hreint frábærlega vel saman með léttleika og fínstilltum húmor. Myndheimurinn er heilsteyptur og fyndinn og Maxí sjálfur heillandi fígúra. Hljómdiskurinn með upplestri sögunnar og leik Sinfóníuhljómsveitar Íslands gerir góða bók enn verðmætari.“
Áslaug Jónsdóttir / Morgunblaðinu

[/dómar]


Verð 3.290 kr.

Gerð SíðurÚtgáfuárVerðMagn
Kilja412008 Verð 3.290 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / /