Hrafnkell Sigurðsson hefur um árabil verið einn athyglis­verðasti listamaður íslendinga, ekki síst vegna þess hvernig hann vinnur með ljósmyndamiðilinn.

Ljósmyndaraðir hans eru kunnar langt út fyrir raðir listáhugafólks. Hrafnkell þróar myndmál sitt stöðugt, allt frá hinu smæsta í efninu til víðáttunnar í náttúru Íslands, og einnig með mann­gerðri náttúru í borgum og bæjum þar sem sorppokar og snjóhrúgur taka á sig mynd náttúrulegra skúlptúra.
Í bókinni Lucid birtast allar þekkt­ustu myndraðir hans.

Hrafnkell (f. 1963) lærði í Maastricht og London. Verk hans hafa verið til sýninga um allan heim og er að finna í safneignum í Evrópu og Bandaríkjunum.