Léttara og betra líf er leiðarvísir danska ráðgjafans og sjónvarpskonunnar Lene Hansson til heilsubótar og vellíðunar – átta vikna áætlun þar sem hollmeti og hreyfing vísar veginn til breyttra og bættra lífshátta.

Í bókinni er farið  í gegnum vikurnar átta frá degi til dags og í hverri viku færðu:

• fræðslu og leiðbeiningar um næringu og heilsu
• hvatningu vikunnar
• hreyfingaráætlun
• matseðil
• innkaupalista
• uppskriftir

Markmiðið er ekki að færa þér skyndilausn heldur skapa grundvöll fyrir heilbrigðan lífsstíl og léttara og betra líf til frambúðar.

Aftast í bókinni er matardagbók og fjöldi girnilegra og hollra uppskrifta með glæsilegum litmyndum.

Lene Hansson er meðal annars menntuð í næringarráðgjöf og óhefðbundnum lækningum af ýmsu tagi auk þess sem hún hefur bakgrunn sem líkamsræktarþjálfari. Hún hefur sent frá sér fjölda bóka um mataræði og heilsu, gert sjónvarpsþætti og skrifað í blöð og tímarit.

Athugasemd útgefanda: Það urðu þau leiðinlegu mistök að á blaðsíðu 294 í bókinni stendur að bygggras sé sýrumyndandi en það er basamyndandi og hefur þ.a.l. mjög góð áhrif á meltinguna.