Launhelgi lyganna er sönn saga um ofbeldi, aðdraganda þess, umgjörð alla og afleiðingar. Bókin fjallar um fólkið sem tengist þessu ofbeldi á einhvern hátt, hina þöglu vitorðsmenn, lýst er kúgunartækni barnaníðingsins og því fjölskylduhruni sem fylgir í kjölfar illvirkjanna.

Þetta er um leið uppvaxtarsaga ungrar stúlku í Reykjavík. Þarna eru ómetanlegar frásagnir af lífi þeirra unglinga sem dvöldu á Upptökuheimilinu á 7. áratugnum og þrátt fyrir allan ljótleikann er bókin full af skemmtilegum sögum og eftirminnilegum mannlýsingum.