Kvæðasafn
Gerð | Útgáfuár | Síður | Verð | Magn | |
---|---|---|---|---|---|
Mjúk spjöld | 2008 | 3.100 kr. |
Gerð | Útgáfuár | Síður | Verð | Magn | |
---|---|---|---|---|---|
Mjúk spjöld | 2008 | 3.100 kr. |
Um bókina
Kvæðasafn Þórarins Eldjárns hefur að geyma mikinn skáldskaparfjársjóð: allar ljóðabækur hans sem komnar voru út árið 2008, átta talsins, og úrval úr fimm barnaljóðabókum, hátt á fjórða hundrað kvæða alls. Hér má finna afar fjölbreytilegan ljóðaforða: hárbeittar ádeilur, græskulaust gaman, sorg og trega, heimspekilegar vangaveltur, náttúrustemningar, orðaleiki, íhuganir um lífið, söguna, landið og tungumálið. Mörg ljóðanna eru bundin í rím og stuðla en önnur lausbeislaðri í formi endar er skáldið jafnvígt á ýmis ólík stílbrögð orðlistarinnar.
Í þessu safni eru átta ljóðabækur Þórarins birtar í heild sinni ásamt úrvali úr fimm barnaljóðabókum hans. Ljóðabækurnar eru: Kvæði (1974), Disneyrímur (1978), Erindi (1979), Ydd (1984), Hin háfleyga moldvarpa (1991), Ort (1991), Hættir og mörk (2005) og Fjöllin verða að duga (2007). Barnaljóðin eru úr bókunum Óðfluga (1991), Heimskringla (1992), Halastjarna (1997), Grannmeti og átvextir (2001) og Gælur, fælur og þvælur (2007).
Þórarinn Eldjárn er eitt ástsælasta ljóðskáld samtímans hér á landi, jafnt meðal barna og fullorðinna. Sum af eldri ljóðum hans eru torfengin eða ófáanleg og er því mikill fengur að safninu.
3 umsagnir um Kvæðasafn
Kristrún Heiða Hauksdóttir –
„Ljóðin eru tær og hrein og hugsun í þeim.“
Egill Helgason / Kiljan
Kristrún Heiða Hauksdóttir –
„Þórarinn er skemmtilegur, maður kemst í gott skap við að lesa ljóðin hans.“
Kolbrún Bergþórsdóttir / Kiljan
Kristrún Heiða Hauksdóttir –
„Ofboðslegur fengur. Sumargjöf handa allri þjóðinni.“
Gerður Kristný / Mannamál, Stöð 2