Þú ert hér://Íslenskir kóngar

Íslenskir kóngar

Höfundur: Einar Már Guðmundsson

Knudsenar hafa búið í Tangavík í meira en tvær aldir. Þar hafa þeir reist síldarbræðslur, vöruskemmur og verslunarhús, setið í bæjarráðum og bæjarstjórnum, átt stakkstæði, mjölverksmiðjur, vélbáta, togara og frystihús og stjórnað lúðrasveitum, karlakórum og kvenfélögum. Knudsenættin hefur bæði átt sína stórveldistíma og farið á hausinn. Hún hefur horfið og komið aftur, svona einsog gengur og gerist með kóngaættir, verið bæði feikivinsæl og afar óvinsæl og allt þar á milli.

Knudsenarnir í Tangavík eru skrautleg og flokksholl ætt með dugandi útgerðarmönnum, ættræknum bankastjórum, drykkfelldum sjoppueigendum, ástsælum alþingismönnum, skapmiklum fegurðardrottningum og jafnvel elskulegum þorpshálfvitum.

Saga þeirra er samofin sögu alþýðunnar því hana hafa þeir ráðskast með frá ómunatíð. Sá sem segir söguna er gamall nemandi Arnfinns Knudsen, eins glæsilegasta fulltrúa ættarinnar frá upphafi.

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.

Frá 690 kr.

Gerð SíðurÚtgáfuárVerðMagn
Innbundin2522012 Verð 3.490 kr.
Hljóðbók-2012 Verð 690 kr.
Rafbók-2012 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / /

4 umsagnir um Íslenskir kóngar

  1. Kristrún Heiða Hauksdóttir

    „Þetta er náttúrlega smækkuð mynd af Íslandi … Dægilega skemmtileg bók.“
    Egill Helgason / Kiljan

  2. Kristrún Heiða Hauksdóttir

    „Bókin er vel skrifuð, Tangavík athyglisvert sögusvið og persónurnar áhugaverðar. Menn geta hins vegar hnakkrifist um það hvort brugðið sé upp réttri mynd af íslensku samfélagi. Til eilífðarnóns ef ofstækið er nógu mikið.“
    Bogi Þór Arason / Morgunblaðið

  3. Kristrún Heiða Hauksdóttir

    „Mikið sprell er í frásögninni og sjaldan dauður punktur. Höfundurinn hefur bersýnilega mjög gaman af því að skemmta fólki. … pundar út bröndunum eins og úr hríðskotariffli. … Gamansöm ádeila á gerspillt íslenskt samfélag.“
    Þórunn Hrefna Sigurjónsdóttir / Fréttablaðið

  4. Kristrún Heiða Hauksdóttir

    „Skemmtilegasta skáldsaga ársins. Ég skemmti mér konunglega við að lesa þessa bók, það færðist bara breitt bros yfir andlitið! … Maður hlær oft upphátt, hann er mjög fyndinn … Stórskemmtileg bók.“
    Kolbrún Bergþórsdóttir / Kiljan

Skrifa umsögn

Netfang þitt verður ekki birt. Nauðsynlegir reitir eru merktir *