Höfundur: Ásgeir Blöndal Magnússon

Íslensk orðsifjabók er einstök orðabók sem greinir frá uppruna og ættum tugþúsunda íslenskra orða. Rakinn er skyldleiki þeirra við orð í öðrum málum, fjallað um tökuorð sem borist hafa í málið og hvenær þeirra verður fyrst vart.

Íslensk orðsifjabók gegnir stóru hlutverki í íslenskri menningarsögu, enda fyrsta verk sinnar tegundar á íslensku. Bókin er ómetanleg þeim sem láta sér annt um tungumálið, vilja þekkja sögu þess og láta sig framtíð þess einhverju skipta.

Ásgeir Blöndal Magnússon orðabókarritstjóri var þjóðkunnur fyrir þekkingu sína á sögu íslensks orðaforða. Í þessari bók miðlar hann af áratugarannsóknum sínum á Orðabók Háskólans á alþýðlegan og fræðandi hátt. Bókin var tilnefnd til Íslensku bókmenntaverðlaunanna árið 1989.