Þegar við verðum fyrir áföllum í lífinu spyrjum við gjarnan: Hvers vegna ég? Af hverju þarf ég sem hef alltaf reynt að lifa lífinu í sátt við guð og menn að bera þungar byrðar? Erfiðleikarnir kalla á útskýringar því það virðist svo óskiljanlegt og óréttlátt að ógæfan skuli einmitt dynja yfir mig. Þetta eru eðlileg viðbrögð en fæstir átta sig á því á örvæntingarstundu.

Hvers vegna ég? er sígild metsölubók sem veitir skynsamleg svör við þessum erfiðu spurningum. Höfundurinn, Harold S. Kushner, varð sjálfur fyrir miklu áfalli sem fékk hann til að spyrja sig grundvallarspurninga um gæfu og forsjón. Með eigin reynslu að vopni vísar hann á leiðir til að takast á við sársaukafulla lífsreynslu, finna styrk til að bera þjáningar sínar og sættast við lífið á ný.

Listin að lifa er bókaflokkur sem stillir strengi hugar og líkama. Þar finnur þú lykla að betra lífi, sátt og skilningi.